Mbrëmje magjike për portierin e Kombëtares shqiptare, Etrit Berisha, që ishte i pakalueshëm te Empoli në duelin ndaj Fiorentinës, ku skuadra e gardianit shqiptar arriti të triumfonte me rezultatin 0-2.
Ky ishte suksesi i dytë në kampionat për Empolit, për të cilën meritë absolute ka padyshim Berisha, i cili falë ndërhyrjeve të sakta arriti të mbante portën e paprekur, duke neutralizuar 6 gjuajtjet në kuadrat të vendasve. Në fund shqiptari rezultoi lojtari me notën më të lartë. Një ndeshje për në kornizë kjo e 34-vjeçari që po fiton zemrat e tifozëve të Empolit.
Golat e fitores për skuadrën e Andreacolit i realizoi Kaputo dhe Giasi në minutat 21 dhe 81. Për sa i përket dy futbollistëve të tjerë shqiptarë, Ismajli mungonte për shkak të një dëmtimi, ndërkohë që Stiven Shpendi nuk ishte i disponueshëm.