Charles III do të kurorëzohet sot si mbret i Mbretërisë së Bashkuar, përmes një ceremonie solemne, që daton prej mijëra vitesh.
Kurora e Shën Eduardit – një simbol i artë i monarkisë – do të vendoset në kokën e Charles III, në orën 11:00, për vetëm pak minuta, nën thirrjet “Zot, ruaje mbretin”.
Këngët do të dëgjohen nëpër rrugët e Londrës, bashkë me të shtëna armësh dhe fishekzjarre tjera, për të shënuar kurorëzimin e parë të një monarku britanik prej vitit 1953.
Charles III do të jetë burri i pestë që kurorëzohet si mbret i Britanisë.
Zilet do të dëgjohen nëpër të gjitha kishat e Britanisë, kur të nisë ceremonia.
Në 14 shtetet tjera, ku Charles do të jetë mbret, përveç Britanisë, pamja duket, po ashtu, e zymtë.
Xhamajka dhe Belize kanë dhënë shenja këtë javë se do të çojnë përpara idenë e shndërrimit në republika, ndërsa Australia e Kanadaja mendojnë të ndjekin atë hap.
Aktualisht, britanikët janë duke u përballur me rritje të çmimeve të jetesës, prandaj edhe pyesin pse taksapaguesit duhet të kenë barrë shpenzimet e kurorëzimit, i cili besohet se do të kushtojë mbi 100 milionë funta.