Policia spanjolle ka arrestuar ditën e sotme 8 shqiptarë pasi janë kapur duke kultivuar kanabis në një plantacion masiv në Maestrazgo, me gjithsej 10,000 bimë të vendosura në pika të ndryshme. Nga ana tjetër, në Beceite, u gjetën edhe 1500 bimë të tjera. Gjithashtu u sekuestrua një armë
Të arrestuarit janë të gjithë burra të kombësisë shqiptare nga 30 deri në 50 vjeç, pa precedentë penalë, të cilët jetonin në të njëjtat plantacione në kushte shumë të mjerueshme, siç konfirmohet nga La COMARCA. Ata nuk flasin spanjisht dhe vetëm shoqërohen me njëri-tjetrin. 7 u arrestuan në Castellote dhe 1 në Beceite. Ata akuzohen për një krim kundër shëndetit publik për kultivim dhe trafik droge dhe një tjetër për pjesëmarrje në organizatë kriminale.
Forcat e sigurisë janë ende në kërkim të 5 anëtarëve të tjerë të bandës, të cilët janë në arrati dhe që mund të kenë ikur në zonat fqinje të Katalonjës ose në Valencia. Dy u arratisën nga Castellote dhe tre nga Beceite.