Ka përfunduar java e 34-të e Abissnet Superiore, ku Dinamo nuk arriti dot të mbante gjallë shpresën për mbijetesë duke rënë Kategorinë e Parë. “Nëndetësja” u mund 2-1 nga Kukësi në stadiumin “Kukës Arena”.
Me këtë fitore, verilindorët bëjnë një hap shumë të rëndësishëm drejt zonës evropiane, teksa ngjiten në vendin e katërt të renditjes me pikë të barabarta me Vllazninë e cila humbi sot ndaj Tiranës me rezultatin 3-1.
Fitore me mjaft vlerë siguroi edhe skuadra e Partizanit përballë Egnatias, ku demat që triumfuan me rezultatin 1-0. Goli i vetëm i takimit u realizua nga Anarildo Rrapaj në minutat shtesë të pjesë së parë.
Me këtë fitore të besuarit e Dritan Mehmetit shkojnë në kuotën e 52-pikëve, 3 më shumë se Kukësi dhe Vllaznia dhe 6 më shumë se Teuta që fitoi me rezultat minimal ndaj Kastriotit.
Golin për durrsakët e shënoi në minutën e 77-të Rubin Hebaj, teksa rikthen në garë për vendin e katërt të besuarit e Renato Arapit.
Pa shumë histori u mbyll edhe takimi mes Laçit dhe Skënderbeut, me vendasit që fituan me shifrat 2-1 duke vazhduar kështu edhe serinë e fitoreve në kampionat.