Një tjetër kampionat në Europë ul qepenin dhe vendos të mos rrezikojë lojtarët për ndeshjet e mbetura. Sot Uellsi ka vendosur që të deklarojë të mbyllur aktivitetin kombëtar, duke shpallur skuadrën kampione.
Konah’s Kuei Nomads është shpallur kampione në tavolinë për hëre të pare në historinë e klubit, duke marrë parasysh renditjen ekzistuese të kampionatit, skuadra kishte 4 pikë avantazh ndaj TNS, ekipit që kishte triumfuar në 8 sezonet e fundit radhazi në aktivitetin më të rëndësishëm kombëtar. Për Konah’s, deri tani suksesi më i madh në kampionat kishin qenë dy vende të dyta, por në këtë vit të çuditshëm, ka bërë të tijin trofeun më të lakmuar.
Kështu, Uellsi i shtohet disa shteteve të tjera në Europë që kanë mbyllur kampionatet në tavolinë, duke pasuar Francën, Belgjikën, Holandën, Skocinë, Luksemburgun, Maltën, Qipron dhe Gjibraltarin.