Të mbijetuarit nga tragjedia e mbytjes së anijes në brigjet greke kanë fajësuar rojën bregdetare. Dëshmitë e atyre që ishin në bord përshkruajnë një pamje kaosi dhe dëshpërimi. Ata gjithashtu vënë në pikëpyetje versionin e ngjarjeve të rojës bregdetare greke, duke thënë se më shumë jetë mund të ishin shpëtuar.
“Unë ende mund të dëgjoj zërin e një gruaje që thërret për ndihmë,” rrëfeu një e mbijetuar nga mbytja e anijes me emigrantë në brigjet e Greqisë.
Një i mbijetuar nga Siria, të cilin CNN e identifikon si Rami, përshkroi se si një anije e rojës bregdetare greke iu afrua peshkarexhës disa herë në përpjekje për të lidhur një litar për të tërhequr anijen, por që përfundoi tragjikisht.
Roja Bregdetare Greke ka mohuar vazhdimisht se ka tentuar të tërheqë mjetin lundrues.