Avokati Sokol Hazizaj ka bërë një deklaratë të fortë mbrëmjen e sotme kur është shprehur se dhe më 11 maj disa nga deputetët që kanë dhënë dorëheqjen, do ta revokojnë atë në mënyrë ligjore nëpërmjet ankimit në Gjykatën Administrative.
I ftuar në emisionin ‘360 gradë’, Hazizaj është shprehur ndër të tjera se deputetët e dorëhequr do të kërkojnë të rikthehen në Parlament, ndërsa ka shtuar se Rama dhe Basha duan të nxjerrin LSI nga skena politike.
“Basha dhe Rama janë një, sot që po flasim ne. E kanë me ju të LSI-së madje, do t’ju heqin fare ju. Në datën 11 Maj një pjesë e atyre që kanë dhënë dorëheqjen do ta revokojnë atë në mënyrë ligjore nëpërmjet ankimit në Gjykatën Administrative”, është shprehur avokati Sokol Hazizaj.