Gjatë spektaklit të së premtes moderatorja Egzona Rafuna u eliminua nga shtëpia e “Big Brother Vip Albania” e cila ishte në televotim me Tan Barmën.
Ajo u prit në studio me duartrokitje por për të kishte edhe kritika nga disa prej ish-banorëve që ishin pjesë e studios. Sipas tyre lojën e Egzonës e penalizoi qëllimi i saj për t’i dhënë ‘informacione’ Donaldit.
Gjatë lojës, Egzona u shfaq shumë e afërt ndaj aktorit Veshaj dhe vazhdimisht i jepte këshilla për lojën e tij dhe mënyrën sesi ai debatonte.
“Egzona është dukur sikur nuk ka luajtur për vete. Ajo ka dhënë mesazhe të qarta për Donaldin. E ka ftuar edhe për kafe. Donaldi i ka treguar se e ka kuptuar mesazhin. Uroj që të mos jetë kështu, sepse do të ishte një skandal i madh”, u shpreh Arbër Hajdari teksa komentoi daljen e Egzonës.
Megjithatë, çfarë nuk kemi ditur është që jashtë shtëpisë, Egzona paska qenë e afërt me Arjola Demirin. Mirëpo, raporti i tyre në shtëpi nuk u duk i tillë.
Sot, e ftuar në “Big Brother Fan Club”, Egzona u shpreh:
“Jo të gjithë e kanë pritur mirë lajmin, na kanë parë si ca javë të lodhshme me ca banorë që do t’i nxjerrim. Fillova ta urreja si term ‘banorët e rinj’’. Gjatë ditëve në vijim diçka nuk do të ecte. Me Arjolën kemi miqësi nga jashtë, mendoja se do të kisha miqësi, kisha mjaftueshëm njohje sa të krijoja këtë miqësi. Nuk e kam ndje afrimitetin, pavarësisht se Arjola ka thënë se e kam prit mirë. Nuk e kam prit që Meridian të më priste aq mirë. Po ashtu edhe me Ilirin që ishte e papritur. Me Donaldin dhe Triksën kam qenë më e afërt”, tha Egzona.