Personi i fundit me të cilin ka komunikuar Indrit Ndoj, 34-vjeçari që u gjet i vdekur në lagjen “Bakishe Visha” në Fushë-Krujë, ka qenë nëna e tij.
Ajo deklaroi në polici se pasditen e të enjtes foli në të telefon me të birin, të cilin e pyeti nëse do të shkonte në shtëpi në mënyrë që t’i bënte bukën.
Gjithashtu, e ëma e Ndojit u shpreh për oficerët e policisë se familja e tyre nuk ka konflikte me askënd.
Grupi hetimor bën me dije se nga kompanitë telefonike janë kërkuar tabulatet në mënyrë që të zbulohen personat me të cilët i riu ka kontaktuar para se të ekzekutohej.
34-vjeçari ndodhej nën masën e sigurisë “arrest shtëpie”, pasi ishte kapur në muajin shtator duke transportuar emigrantë të paligjshëm.