Kryeministri Edi Rama ka zbardhur mesazhin me homologun e tij kosovar, Albin Kurti. Ai tha se ky i fundit i ka kërkuar ndihmë me vaksinimin e mësuesve në Kosovë.
“Më çoi mesazh Albin Kurti duke më falenderuer e duke më thënë meqë ata morën disa vaksina do të dëshironte që ne të ndihmonim për mësuesit. Po i thashë, patjëter. Ne do t’i japim ato që duhet dhe mundemi që të vaksinohen dhe mësuesit e Kosovës. Si bëhen këto? Me llafe? Me dëngla? Duke fjetur gjuëm? Ndërkohë që ne jemi në mes të kësaj finaleje dhe ndërkohë që ne e shohim horizontin e sezonit turistik që falë vaksinimit do të jetë super i lehtësuar që do të sjellë më shumë turistë, punë e lekë. Ne tani të kthehemi mbrapsht e të shkojmë pas berihajit dhe të nis nga e para historia me rumpallë dhe njerëz që nuk e kanë idenë ca do të thotë të drejtosh një vend”, tha Rama.