Moderatorja e emisionit të mëngjesit në Ora News, Dajana Shabani, pohoi pak kohë më parë në programin “Xing me Ermalin” se e ka hedhur pas krahëve divorcin me babain e vajzës së saj dhe se po përjeton një histori të re dashurie. Ajo nuk bëri të ditur asgjë më shumë. Mirëpo, i dashuri i saj duket se ka preferuar që të mos qendrojë më në hije.

Ai ka publikuar në rrjetin social “Instagram” një foto së bashku me Dajanën, ku shihen të ulur në një tavolinë dhe të kapur për dore. “Princeshë Dajana”-ka shkruar ai krahas fotos së postuar, e cila është rishpërndarë edhe nga vetë moderatorja. Në bazë të të dhënave të ofruara në profilin e tij personal, Kamer është një boksier profesionist dhe kjo kuptohet në një farë mënyre edhe nga fiziku i tij.