Duke ju referuar luftës së përgjakshme në Ukrainë, minsitri i jashtëm francez, Jean-Yves Le Drian, tha se më e keqja nuk ka ardhur ende.
“Kam frikë logjikën e rrethimit me të cilën janë mësuar rusët”, paralajmëroi ministri i Jashtëm francez, duke kujtuar ngjarjet në Siri dhe Çeçeni në të kaluarën.
Lufta ka lënë qindra të vdekur edhe nga ana e Rusisë, tha Lendrian, duke shtuar se dëshira kryesore e Putinit është që Rusia të mos kufizohet me vende demokratike, sepse kjo mund të ketë pasoja brenda Rusisë.
Në ditën e tetë të luftës forcat ruse kanë marrë kontrollin e qytetit Kherson në jug të vendit. Është qyteti i parë i madh ukrainas që merret nga Rusia prej fillimit të luftës.