Artisti me origjinë shqiptare, Ermal Meta ka shfaqur ditët e fundit probleme shëndetësore
Në llogarinë e tij në “Instagram”, këngëtari ka publikuar disa foto, ku tregon se pjesë të ndryshme të fytyrës i janë ënjtur.
Ai shkruan se fillimisht mendoi se ishte alergji, por nuk rezultoi e tillë.
“Për disa ditë më janë fryrë pjesë të ndryshme të fytyrës dhe kokës. Fillimisht mendova se mund të ishte një alergji, por nuk është ashtu. Dje në mëngjes u zgjova më keq se zakonisht dhe sot në mëngjes njësoj.”
Meta shprehet se ndihet i detyruar të heqë dorë përkohësisht nga disa koncerte.
“Me ngurrim jam i detyruar të anuloj koncertet e mia në Peschici dhe Giffoni pasi duhet të merrem dhe mbi të gjitha të zgjidh situatën. Më vjen shumë keq. I kërkoj falje organizatorëve të koncerteve dhe fansave. Shihemi së shpejti”, përfundoi ai.
