Një ngjarje e pazakontë ka ndodhur në Kosovë, ku një grua nga Shqipëria e cila është e martuar në Obiliq të Kosovës është denoncuar nga bashkëshorti i saj pasi ajo ka marrë fëmijët dhe është larguar drejt vendlindjes së saj.
Sipas informacioneve, çifti kishte dy vajza dhe dyshohet se nëna e tyre i ka marrë ato dhe kanë udhëtuar drejt Shqipërisë. Sikur të mos mjaftonte kjo, burri deklaron në kallëzimin e bërë në polici se gruaja i ka kërkuar 10 mijë euro për t’i sjellë fëmijët.
Njoftimi i plotë i policisë:
DETYRIM /Obiliq 16.05.2022 – 12:55. Ankuesi mashkull kosovar ka raportuar se bashkëshortja e tij e dyshuara femër shqiptare shtetase e Shqipërisë, i ka marr dy vajzat e tyre dhe është larguar në Shqipëri dhe për ti sjellë fëmijët në Kosovë nga viktima i ka kërkuar 10000 (dhjetë mijë) euro. Rasti është duke u hetuar.