Beteja ligjore e Angelina Jolie dhe Brad Pitt për fabrikën e verës e cila ishte në pronësi të të dyve dikur, ka zbuluar një tjetër sherr të tyre të vitit 2016. Së fundmi, Jolie ka paraqitur në gjykatë një akuzë të rëndë ndaj Pitt-it. Ajo e akuzon atë se ka dhunuar fëmijët e saj gjatë një udhëtimi në avion. Por, burimet pranë aktorit thanë për mediat amerikane se Angelina Jolie ka shpifur kundër Brad Pitt , duke ripërsëritur të njëjtat akuza prej vitesh, pretendime të cilat kanë rënë në kundërshtim me autoritetet.
Burimet për TMZ thonë se përpjekjet e përsëritura të Angelinës për ta përshkruar Brad-in si një dhunues të fëmijëve kanë shkaktuar një dëmtim të madh tek 6 fëmijët e tyre, të cilët tani janë të larguar nga babai i tyre. Siç tha një burim, Brad tani ka një “marrëdhënie të kufizuar dhe të tendosur, për shkak akuzave të saj”
FBI hetoi dhe arriti në përfundimin se akuzat ishin të pamjaftueshme për të ecur përpara. Burimet tregojnë se ka pasur edhe një hetim nga Departamenti i Shërbimeve të Fëmijëve dhe Familjes, i cili u mbyll për shkak të mungesës së provave.
Angelina ka tentuar të bindë gjyqtarin në çështjen e divorcit se Brad ishte një prind i papërshtatshëm që nuk duhet të kishte asnjë të drejtë ndaj fëmijëve.