”Më ka rrahur gruaja”, burri shkon në polici

Një burrë nga Kosova ka shkuar në polici dhe ka denoncuar bashkëshorten e tij, pasi sipas tij e ka dhunuar. Ngjarja ka ndodhur të martën rreth orës 22:10 në Rahovec. Po ashtu në raport thuhet se burri ka përfunduar në spital dhe ka marrë ndihmë mjekësore. “Ankuesi mashkull kosovar ka njoftuar policinë se është sulmuar fizikisht nga bashkëshortja e tij e dyshuara femër kosovare. Viktima ka pranuar tretman mjekësor, ndërsa e dyshuara është arrestuar dhe pas intervistimit me vendim të prokurorit është dërguar në mbajtje”, thuhet në raport.