Një 35-vjeçar, i cili shkoi në banesën e një të moshuari për të vjedhur, është vrarë nga pronari. Ngjarja ka ndodhur mbrëmjen e kaluar, rreth orës 20:50, në fshatin Hinka në komunën e Zicës në Janinë.
35-vjeçari kishte mbuluar fytyrën dhe ishte i pajisur me një shufër metalike në momentin që ka hyrë në banesën e 71-vjeçarit.
Pronari i kërkoj 35-vjeçarit të largohej nga banesa, por pasi ky i fundit refuzoi, i moshuari e qëlloi me armë zjarri, duke e lënë të vdekur në moment.
Autoritetet greke janë duke hetuar rastin, ndërkohë 71-vjeçari është arrestuar.