Mbrëmjen e sotme pritet të mbahet finalja e një prej programeve më të suksesshme këtë sezon televiziv ‘Hell’s Kitchen’. Shefi i kuzhinës së djallit, Renato Mekolli ka premtuar një mbrëmje plot surpriza dhe emocione për të gjithë teleshikuesit.
Pak më parë ai ka publikuar një foto nga fëmijëria e tij në llogarinë në ‘Instagram’, duke treguar disa detaje për ato çfarë do të shfaqë në ekran mbrëmjen e sotme.
“O zot sa fëmijë i qeshur kam qenë! Duke u rritur u bëra djall. Do të thoni ju pse e nxora sot këtë foto!? Këtë e disa të tjera si kjo, m’i kanë sjellë nga Athina, që t’më ngacmonin për të treguar ca gjëra personale, që si kam thënë kurrë më parë. Bashkë me fotot ka ardhur edhe një person shumë i rëndësishëm për mua. Do të jemi bashkë sot në finalen e “Hell’s Kitchen”. Do të qeshim e do të qajmë, siç është dhe vetë jeta. Mos më pyesni kush është ai person se s’kam ndërmend t’ju them asgjë më shumë. Ja duroni edhe ca orë që ta shikoni tek finalja”, ka shkruar Mekolli krah postimit të tij.
Me siguri ndjekësit e Renatos janë duke pritur me padurim se çfarë do të rezervojë finalja e madhe e ‘Hell’s Kitchen.