“Më pëlqen të dëgjoj gënjeshtrat, kur e di të vërtetën.” Ky mesazhi që Jozefina Topalli publikon në profilin e saj në ‘Facebook’.
Pa bërë asnjë koment më shumë, Topalli e ka publikuar mesazhin në një kohë kur në emisionin “Opinion” po fliste kryetari i PD-së, Lulzim Basha. Mund të aludojmë se ky mesazh i Topallit i drejtohet Bashës, por vështirë të thuhet se për kë nga deklaratat nuk bie dakord ish-kryetarja e Parlamentit.
Basha mohoi një marrëveshje të fshehtë me kryeministrin Edi Rama, ashtu siç mohoi edhe një koalicion të mundshëm paszgjedhor me Partinë Socialiste. Basha u shpreh gjithashtu i hapur për të pranuar në PD të gjithë të larguarit, të cilët më parë kanë shprehur kritika ndaj tij.