Ish-trajnerit të Barcelonës, Ronald Kuman, nuk i del e keqja me presidentin e katalanasve, Joan Laporta. Ai nuk ia ka falur mënyrën e zgjedhur nga Laporta për ta shkarkuar, teksa më parë e kishte cilësuar holandezin si një legjendë të klubit të Barcelonës.
Duke folur për një televizion në Holandë, Kuman ka shfryrë sërish kundër numrit një të Barcelonës. “Si më shkarkoi? Në avion! Ishte shumë e shëmtuar, një ngjarje që nuk do ta harroj kurrë sepse më ka prekur shumë.
Ma tha se isha një legjendë e klubit, por më pas më konfirmoi se isha i shkarkuar”, ka thënë ish-trajneri i Barcelonës. Kjo është hera e dytë që Kuman kritikon publikisht presidentin e Barcelonës, teksa pak javë më parë ai kishte folur dhe për gazetën “Algemeen Dagblad”, ku pranonte se Laporta nuk e donte si trajner.