Lorenc Jemini, ish-gjyqtar ndërkombëtar dhe një nga emrat më të njohur të arbitrimit shqiptar, ka qenë i ftuari i radhës në “Jashtë Loje”, ku ka treguar përjetimet e tij gjatë viteve kur ishte ende protagonist në fushat e blerta. Një skenë ka qenë ajo që atij i ka mbetur në mendje, nga një ndeshje ku ishte bërë pjesë e një ndjekje me makina në autostradë si të ishte një film aksion.
“Ndeshja më e vështirë ka qenë Vllaznia-Flamurtari vite më parë. Duke ardhur rrugës na la policia. Sa ikëm me makinë, shikoj një makinë para në autostradë që ul shpejtësinë dhe kthehet papritur, vjen edhe një makinë tjetër në krahun e majtë e një nga mbrapa . Dy ishin pa targa, kur shikoj një me një armë “shotgun” më vjen tek xhami.
Benzi mbyllej nga brenda e nuk hapeshin dyert. Gjeta një hapësirë, futem mes dy makinave e dola, por këta na ndiqnin, derisa në një moment u ndesha me Forcat Renea, por unë nuk iu mbaja mend as fytyrat”, tregoi Jemini.