Policia rrugore ka shtuar kontrollet në fundjavë me matës shpejtësie dhe teste alkooli për të rritur sigurinë rrugore.
Sipas policisë në vetëm pak orë janë regjistruar mjete që lëvizin me shpejtësi deri në 170 km/h, dhe janë hequr nëntë patenta për shpejtësi tej normave të lejuara.
Por jo vetëm kaq. Gjithashtu nga verifikimi rezultoi se krahas shpejtësisë ekstreme për kushtet e rrugës, 2 prej tyre ishin debitor me mbi 7 masa administrative te pashlyera si dhe një tjetër automjet rezultoi i pasiguruar dhe certifikuar teknikisht.
“Edhe pse prej fillimit te muajit janar rrugët interurbane dhe urbane kryesore te vendit, te konsideruara me rriskë te larte per shkak te aksidenteve rrugore dhe pasojave te ardhura prej tyre, kryesisht shpejtësia mbi normat e lejuara, vijojnë te jene te monitoruara me radar dhe janë jo pak, por vetëm për 24 ditët e para të këtij viti, numërohen më shumë se 900 leje drejtimi te pezulluara për shpejtësi, përsëri ka shumë drejtues mjetesh që rrugën e përdorin dhe e konsiderojnë si piste për të “fluturuar” dhe jo për të qarkulluar me automjet”, thotë policia.