Ministri i Jashtëm i Rusisë, Sergei Lavrov i konsideron provokime kërkesat e Ukrainës për armë të huaja. Sipas tij, synimi i Kievit është të përfshijë Perëndimin në konflikt.
“Kërkesat për armë të huaja nga Ukraina janë provokime që synojnë të përfshijnë Perëndimin në konflikt”, tha ai.
Sa i përket deklaratave të përfaqësuesit të lartë Josep Borrell mbi ambiciet e BE-së për t’u bërë një fuqi ushtarake, Lavrov tha se i duken thjesht fjalë.
“Por nuk ka tym pa zjarr”, theksoi ai, ndërsa shtoi se sanksionet që i kanë vendosur Rusisë më shumë po godasin Evropën sesa Rusinë.
Furnizimi i SHBA me raketahedhës të shumëfishtë MLRS në Kiev do të rrezikonte të provokonte një zgjerim të konfliktit me përfshirjen e vendeve të treta.