Ditën e sotme u zhvillua ceremonia mortore për vëllain e deputetes socialiste Blerina Gjylameti pas aksidentit të mbrëmshëm në tunelin Tiranë-Elbasan. Përmes një postimi në ndjerë në facebook, deputetja socialiste ka postuar edhe një foto me vëllain e saj teksa shkruan: “Më thërrmove zemrën në 1000 pjesë o Tonce. Thonë që zoti zgjedh më të mirët , por a nuk kishte marrë mjaftueshëm tek unë ? 😭”.
Elton Maçolli 42 Vjeç punonte tek Regjimenti i Farkes, ishte pilot helikopteri. Aksidenti ndodhi mbrëmjen e djeshme në brendësi të tunelit, ku makina e Maçollit pas një përplasjes me një maune shpërtheu në flakë.
Makina tip “Seat” ishte e pajisur me impiant gazi dhe raportohet se pas përplasjes me maunen ka shpërthyer brenda tunelit vetëm pak metra nga dalja e tij duke shkaktuar kështu edhe vdekjen e drejtuesit të saj. Kjo është tragjedia e dytë në familjen e deputetes socialiste, pasi rreth një vit më parë, në muajin Korrik të 2018-tës, ajo humbi të motrën e saj, pas një beteje të gjatë me një sëmundje të rëndë.
Lexo edhe: Humb jetën vëllai i deputetes Blerina Gjylameti, ja dinamika e aksidentit fatal