Policia e Beratit ka ndaluar një 44-vjeçar të dënuar me 15 vite burg për pjesëmarrje në organizatë kriminale dhe trafikim narkotikësh.
Sipas policisë, “është arrestuar Gazmir Polovina alias Gazmend Polovina alias Julian Bebri. Gjykata e Milanos në Itali në Mars të vitit 2013 e ka dënuar me 15 vite burg, për kryerjen e veprave penale “Organizata Kriminale” dhe “Trafikim i lëndëve narkotike”, parashikuar nga Kodi Penal Italian”.
44-vjeçari në bashkëpunim me të tjerë shqiptarë dhe italianë të organizuar si grup kriminal kanë qenë të përfshirë në trafik ndërkombëtar të heroinës dhe kokainës.
Materialet hetimore u referuan në Prokurorinë pranë Gjykatës së Shkallës së Parë Berat për veprime të mëtejshme.