Sekretari amerikan i Mbrojtjes, Lloyd Austin, ka kërkuar publikisht falje për mbajtjen e fshehtë se ai ishte diagnostikuar me kancer në prostatë dhe po trajtohej për të, një çështje që ka ngjallur një reagim kombëtar.
“Dua të jem shumë i qartë: ne nuk e menaxhuam këtë siç duhet”, tha ai gjatë një konference për shtyp.
“Duhet ta kisha informuar presidentin se jam diagnostikuar me kancer. Unë gjithashtu duhet t’i kisha thënë ekipit tim dhe popullit amerikan, dhe unë marr përgjegjësinë e plotë për këtë. I kërkoj falje kolegëve të mi dhe popullit amerikan”, shtoi ai.
Megjithatë, “dua të them shumë qartë se nuk ka pasur vakum në organet kompetente dhe nuk ka pasur rrezik për administrimin dhe kontrollin e ministrisë”, nënvizoi ai.
Kreu i Pentagonit donte të shfaqej qetësues duke iu referuar shërimit të tij.
“Shërimi im po shkon mirë, por siç e shihni, unë jam ende duke u rikuperuar”, u tha ai gazetarëve, duke komentuar ecjen e tij disi të ngurtë. “Kam ende pak dhimbje në këmbë”, tha ai, duke sqaruar se është duke bërë terapi fizike.