Greqia pritet që të hapë universitete në Qipro, Egjipt edhe në Shqipëri. Sipas Ekathimirini, kjo është një ndër hapat e qeverisë për hapjen e universiteteve greke jashtë vendit. Qeveria ka nisur kontaktet me pjesëtarët e komunitetit grek në këto vende, ndërsa një rol të rëndësishëm, sipas medias fqinje, pritet të luajnë dhe kishat ortodokse vendase.
Zëvendësministri i Arsimit të Lartë Angelos Syrigos këmbëngul se institucionet greke duhet të veprojnë si një “magnet” për studentët nga këto vende.
“Ne kemi disa nga universitetet më prestigjioze në rajon,” tha ai për Kathimerini. “Shumica e universiteteve greke kanë njerëzit e duhur dhe kanë ambicie për të zgjeruar aktivitetin e tyre. Ajo që ata kanë nevojë janë mjetet e duhura.”
Përveç Egjiptit, Qipros dhe Shqipërisë, po zhvillohen diskutime edhe për krijimin e programeve akademike në Kinë, ndërsa po shqyrtohen edhe perspektivat e Maqedonisë së Veriut.