Greqia nuk do të bllokojë ambicien për anëtarësimin në Bashkimin Europian të Maqedonisë së Veriut dhe Shqipërisë, por pritet të ketë disa kërkesa në këmbim, thonë analistët.
Sipas të përditshmes greke, Kathimerini, Komisioni ka rekomanduar hapjen e negociatave për të dy vendet. Por do të mbetet në tetor nëse Këshilli do të ndjekë këto rekomandime.
“(Greqia) nuk do ti thotë jo askujt. Megjithatë, do të ketë kushtet e saj”, ka thënë një burim i afërt i kryeministrit për këtë media.
Vëzhguesit thonë se Athina do ti kërkojë Shkupit zbatimin rigoroz të marrëveshjes së Prespës. Ndërsa në rastin e Shqipërisë, Kathimerini shkruan se Athina pret të kërkojë mbrojtje më të mirë të të drejtave të pakicave në përputhje me traktatet dhe politikat ndërkombëtare.