Mediat greke shkruajnë se SHBA po armatos në mënyrë të fshehtë ushtrinë shqiptare. Pë këtë ata i referohen lajmit publik të dhurimit të 37 mjeteve të blinduara javën e shkuar.
Në fakt javën e shkuar u zhvillua vetëm ceremonia e marrjes në dorëzim, pasi siç dihet mjetet kanë mbërritur në portin e Durrësit disa muaj më parë.
Madje mediat greke kanë përdorur për ilustrim foto të shkrepura gjoja “rastësisht” nga qytetarë të “vëmendshëm”, të cilët kanë parë operacionin “sekret” të transportimit të 37 mjeteve të blinduara nga porti i Durrësit. Por në fakt në gjithë këtë histori nuk ka asgjë sekrete, pasi Ambasada e SHBA-ve në Tiranë e ka publikuar në faqen e vet ceremoninë e dorëzimit të 37 transportuesve të blinduar për Ushtrinë Shqiptare.
Madje kanë publikuar diplomaten më të rëndësishme të SHBA-ve në Tiranë së bashku me ushtarakë përfaqësues të US ARMY, dhe trupat e batalionit special të Forcave të Armatosura të Ushtrisë Shqiptare.
