Mjeku kinez që bëri paralajmërimet e hershme për Koronavirusin në Wuhan është në një gjendje kritike, sipas spitalit që po e mjekon atë dhe disa mediave shtetërore.
Disa orë më parë, të njëjtat media raportuan se ai kishte vdekur, duke bërë që edhe mediat e mëdha, të binin në grackë.
Spitali Qendror Wuhan tha në llogarinë e tij zyrtare Weibo, se Li Wenliang, 34 vjeç, është i sëmurë rëndë.
“Në luftën kundër epidemisë së pneumonisë së infeksionit të ri koronavirus, okulisti i spitalit tonë Li Wenliang për fat të keq u infektua. Ai aktualisht është në gjendje kritike dhe ne po përpiqemi të bëjmë më të mirën për ta shëruar atë”, thuhet në deklaratë.
Shumë media të shtetit duke përfshirë Global Times dhe People Daily, apo gazeta zyrtare e Partisë Komuniste në pushtet, thanë më herët se Li kishte vdekur, por më vonë i fshinë raportet e tyre.
Pas raporteve fillestare për vdekjen e tij, mediat sociale kineze shpërthyen në një zemërim të thellë.
Ai ishte një nga tetë personat që po hetoeshin për “përhapjen e thashethemeve”.