Ka përfunduar takimi në selinë e PD-së mes kryetarit të PD-së Lulzim Basha dhe kreut të PR-së Fatmir Mediut.
Pas takimit me Bashën, Mediu u shpreh se është i gatshëm të kandidoj kudo për të maksimalizuar votën e opozitës.
“Kemi mirëkuptimin për të dalë me lista dhe program të përbashkët. Jam i gatshëm të kandidoj kudo për të maksimalizuar votën e opozitës. PR ka ndikim në çdo qark dhe e rëndësishme është përmbysja e regjimit”, u shpreh Mediu.
Sot Basha arriti marrëveshjen me kreun e Partisë Drejtësi, Integrim dhe Unitet, Shpëtim Idrizi.
PD ka arritur tashmë marrëveshje me Idrizin dhe aleatët e tjerë Agron Dukën, Dashamir Shehin e Nard Ndokën.
Kreu i PDIU, Shpëtim Idrizi, foli sot paradite pas takimit një orësh me kreun e PD, Lulzim Basha, prej ku tha qartë se nuk ka asnjë dyshim që do të ketë marrëveshje mes tyre. Idrizi tha nga selia blu se po bëhet një diskutim i gjerë mes PD dhe partive aleate për të përcaktuar valencat.