Ish-kryeministri rus, Dmitry Medvedev shkon dhe më tej me kërcënimin drejtuar perëndimit dhe kryesisht Europës.
Nënkryetari i Këshillit të Sigurimit, tha se tashmë Rusia e ka zgjedhur rrugën e saj dhe se armët bërthamore ruse mund të mbërrijnë më shpejt në Europë sesa NATO përgatitet të ndërhyjë në Krime.
“Rusia mund të përdorë çdo armë, përfshirë armët bërthamore strategjike, për të mbrojtur sovranitetin e saj kombëtar, si dhe territoret që kanë vendosur të bashkohen. Mund të godasim Evropën dhe SHBA-në më shpejt se sa NATO-ja mund të godasë Krimenë”, tha Medvedev.