Mediat italiane raportuan për një megaoperacion të zhvilluar mes dy shteteve Italisë dhe Shqipërisë që çoi në shkatërrimin e një bande të trafikut të drogës, me 37 persona të arrestuar dhe 3 ton e gjysmë drogë të llojeve të ndryshme, si hashash, marijuanë, kokainë e ndarë në 7 milionë doza.

Në Shqipëri operacioni është i shtrirë në Tiranë dhe Vlorë. Sipas asaj që raporton Top Channel kanë marrë pjesë 280 forca policie, nga FNSH, Drejtoria e Forës së Posaçme Operacionale në Policinë e Shtetit, Drejtoria Hetimore , DVP Vlorë e DVP Tiranë.

Deri më tani në Shqipëri, nga Policia e Shtetit, gjatë orëve të para të mëngjesit janë kapur 10 pjesëtarë të grupit kriminal.

Hetimi ka nisur rreth një vit më parë në Shqipëri, ku në Qafë-Gjashtë u kap një shtetas italian i quajur Vito Barucheli. Ai kishte ardhur në Shqipëri si turist por në rulon e tij u gjetën mbi 400 kg hashash. Italian po tentonte të kalonte në Greqi por ra në prangat e policisë.

Arrestimet janë kryer gjatë operacioneve të koduar “Kulmi” e “Shefi”, ndërkohë në orët në vijim pritet edhe një konferencë për shtyp rreth këtij mega-operacioni, ku pritet të marrë pjesë Kreu i Antimafias Italiane dhe kreu i SPAK, Arben Kraja.

PËRGJIGJU

Please enter your comment!
Please enter your name here