Këngëtarja e njohur, Melinda Ademi, ka ndarë me ndjekësit lajmin e bukur të fejesës së saj me partnerin Granit Muhaxherin.
Përmes postimeve në Instagram, Melinda publikoi momentet emocionuese të propozimit, i cili ndodhi buzë detit. Granit kishte përgatitur një skenë të veçantë, ku mbi një tabelë dekorative shkruhej “A do të martohesh me mua?”
Ky çast u kurorëzua me një unazë të madhe me gur vezullues, që i dha më shumë shkëlqim momentit special.
Lidhja e tyre, e mbajtur për një kohë të gjatë private, u bë publike vetëm këtë vit, duke surprizuar fansat e këngëtares.
Pas propozimit, çifti organizoi edhe ceremoninë e fejesës, duke festuar me familjarët dhe miqtë më të afërt.
Ky hap i ri shënon fillimin e një kapitulli të rëndësishëm në jetën e artistes, e cila mbetet një ndër emrat më të dashur të muzikës shqiptare.
Ndërkohë, fansat e kanë uruar çiftin me komente të shumta dhe të ngrohta në rrjetet sociale. /TAR