Një klient i një restoranti të famshëm në Miami ka denoncuar se është dhunuar rëndë nga sigurimi, pasi familja e tij u përpoq të bënte një foto në grup në ditëlindjen e 21-të të vajzës së tij, kur Lionel Messi dhe Beckham ishin duke festuar disa metra larg.
I dhunuari akuzohej se kishte tentuar të fotografonte Lionel Messin dhe gruan e tij Antonela, veprim të cilin ai e mohoi.
“Ata u hodhën drejt nesh, më nxorën jashtë dhe më goditën me grusht në fytyrë. Vetëm sepse miku im po përpiqej të bënte një foto me gruan e tij, jo me Beckhamin apo Messin, asgjë. Ishte një gjë familjare”, deklaroi ai.
Në pamjet, pas ngjarjes kaotike, një grua dëgjohej teksa bërtiste e alarmuar: “Ai është një burrë familjar, duke festuar ditëlindjen e 21-të të vajzës së tij”.
Messi dhe Antonela Messi po darkonin në restorantin japonez së bashku me yjet e tjerë të Inter Miami, Sergio Busquets, Jordi Alba dhe familjen Beckham, të premten në mbrëmje kur shpërtheu sherri.