Edhe këtë mëngjes të së premtes, kryeministri Edi Rama urimin ndaj ndjekësve për një ditë të mbarë e ka shoqëruar me promovim rrugësh.
Përmes një postimi në facebook, Rama tregon se kantieret e Unazës së Madhe të Tiranës po punojnë, ku aktualisht në Lotin 3 të Unazës Lindore po bëhet montimi i 32 trarëve në mbikalimin e Shkozës.
“MIRËMËNGJES, dhe me punimet që po avancojnë dita-ditës në të gjitha kantieret e Unazës së Madhe të Tiranës, ku aktualisht në Lotin 3 të Unazës Lindore, po bëhet montimi i 32 trarëve në mbikalimin e Shkozës, një segment i rëndësishëm i këtij projekti, që do të përfundojë shpejt dhe do të zgjerojë ndjeshëm frymëmarrjen e trafikut në kryeqytet, ju uroj një ditë të mbarë”,-shkruan Rama.