Kancelarja gjermane Angela Merkel ka ftuar në Berlin kryeministrin e ri të Kosovës, Albin Kurti.
Sipas një njoftimi në faqen zyrtare të qeverisë gjermane si katër sfidat qendrore të tij numëron ndërtimin dhe zgjerimin e shtetit ligjor, luftimin e korrupsionit dhe krimit të organizuar, përmirësimin e gjendjes ekonomike dhe sidomos edhe dialogun për normalizimin me Serbinë.
Merkel siguron që Kosova do të ketë mbështetjen e qeverisë gjermane në këtë rrugë.
Ndërkaq sipas mediave gjermane Merkel do të takohet edhe me Presidentin Serb Aleksandër Vuçic, një përpjekje kjo e qeverisë gjermane në çështjen Serbi-Kosovë.