Gjermania po përjeton një valë të gjërë infektimesh, ku ditën e djeshme dolën me vendim për shtrëngim të masave të covid. Por, Angela Merkel ka kryer një ndryshim të planeve për ta vendosur Gjermaninë nën një bllokim të fortë gjatë Pashkëve pas një reagimi kritik.
Merkel e ka përshkruar vendimin për të mbyllur kishat dhe dyqanet për një periudhë pesë-ditore si një gabim. Duke iu drejtuar publikut në një konferencë shtypi të Mërkurën në mëngjes, kancelarja gjermane tha se plani për një bllokim të Pashkëve kishte qenë gabimi i saj personal, “dhe gabimet duhet të quhen si të tilla”.
Merkel tha se pendohej që propozimi i saj kishte shkaktuar pasiguri të mëtejshme dhe kërkoi falje nga publiku gjerman, zhgënjimi në rritje i të cilit me vendimmarrjen e rëndë të qeverisë dhe përhapjen e vaksinave akullnajore po kërcënon të dëmtojë partinë e saj para zgjedhjeve kombëtare në shtator.
Pas një takimi të ashpër midis kancelarit dhe krerëve të 16 shteteve federale të Gjermanisë të hënën, Merkel kishte njoftuar një zgjatje të bllokimit të pjesshëm deri më 18 prill, si dhe një shtrëngim të kufizimeve nga 1-5 prill i projektuar për të “thyer rritjen eksponenciale të valës së tretë ”.
Propozimet u morën në pyetje menjëherë nga epidemiologët, shoqatat e biznesit dhe anëtarët e bllokut politik të Merkel.
Nën bllokimin e planifikuar të Pashkëve, të gjitha dyqaneve dhe bizneseve do t’u thuhej të qëndronin të mbyllura për pesë ditë me radhë, ndërsa dyqanet ushqimore do të hapeshin për pak kohë të Shtunën e Madhe – një propozim që shumë kishin frikë se do të çonte në korridore të mbushura me njerëz dhe ngjarje super-shpërndarëse në radhët e supermarketeve.