Kryetarja e LSI Monika Kryemadhi ka deklaruar se është kërcënuar familjarisht dhe për këtë arsye është detyruar që të largojë fëmijët jashtë shtetit.
Teksa theksoi se dy fëmijët e mëdhenj I ka çuar me studime jashtë shtetit, Kryemadhi tha se vajzën e vogël, e ka dërguar në kolegj pasi është kërcënuar familja e saj duke lënë të kuptohet se këto kërcënime kanë ardhur nga struktura policie: “Vajzën e vogël jam detyruar që ta çoj në një kolegj me konvikt, sepse jam kërcënuar unë mamaja e saj. Nuk kam ndërmend t’i them këtu, por do ta zgjidh sipas mënyrës sime. Këto janë gjëra që unë i zgjidh vetë, nuk pretendoj që t’i zgjidh me instrumentet që i kanë kërcënuar vetë”, tha Kryemadhi.