Prej javësh në media është raportuar se Dafina dhe Dj Geek i kanë dhënë fund romancës së tyre. Por, pavarësisht kësaj ata vazhdojnë të jenë krah njëri-tjetrit. Jo vetëm si bashkëpunëtorë, por edhe si miq. “Ish-i. Gjithmonë dashuri”-shkruante Dafina pak javë më parë krah një fotoje të Geek, duke treguar se janë ende aty për njëri-tjetrin.Mirëpo burime për Privé.al bëjnë me dije se me përfundimin e sezonit veror, Dafi dhe DJ Geek nuk do të shfaqen më në koncerte së bashku.
“Ky vendim duket se ka qenë më i miri për të dy, pasi raporti në punë pas prishjes së atij në jetën private ka qenë pothuajse e pamundur,” raporton Privé.
Kohët e fundit është raportuar se Dafina ka gjetur sërish dashurinë. Madje, bëri xhiron e rrjetit një foto e saj me partnerin e ri, ku ata shiheshin duke ecur bashkë të përqafuar rrugëve të Prishtinës, teksa personi në fjalë i dhuronte një puthje në ballë artistes.
‘Prive.al’ shkruan se i dashuri i ri i Dafinës është Kreshnik Gjergji, një figurë jo e njohur në botën e showbiz-it. Ai është biznesmen, në pronësi të të cilit figurojnë disa biznese në Kosovë. Një prej tyre merret me tregti me shumië të frutave dhe perimeve, kurse një tjetër sipërmarrje është e profilizuar në fushën e teknologjisë informative. Vetë Dafina nuk ka reaguar në lidhje me lajmin.