Olta Gixhari vijon të jetë qendra e vëmendjes si brenda ashtu edhe jashtë “Big Brother VIP”.
Së fundmi është raportuar se ajo nuk flet me motrën e saj, gazetaren Gerta Gixhari. Madje, u tha se kjo e fundit është takuar me Zhaklina Gjollën, ish-konkurrente e “Big Brother VIP”, e cila u largua nga formati papritur. Zhaklina ka pasur debate të forta me Oltën dhe mes tyre nuk kanë munguar akuzat për bullizëm e jo vetëm.
Ditën e sotme Zhaklina tha se Gerta e ka telefonuar për ta pyetur se si ishte e po ashtu pranoi se janë takuar.
“Edhe në Big Brother e kam thënë se kam punuar në të njëjtin ambient me Gertën dhe jemi mikesha. Këtë ia kam thënë edhe Oltës. Unë nuk e di fare si është marrëdhënia mes të dyjave. Gerta më ka kontaktuar pasi dola dhe më tha se po më telefononte si mikeshë dhe se nuk kishte rëndësi se çfarë ka ndodhur mes meje dhe Oltës. Edhe jemi takuar.”- tha Zhaklina sot në “Shqipëria Live”.
Në “Big Brother Fan Club” u tha se dy motrat Gixhari kanë një krisje e se madje nuk ndiqen as në Instagram. “Edhe sot nëse futesh në Instagramin e dy motrave do e shohësh që nuk janë follow me njëra-tjetrën. Lart e poshtë në Tiranë qarkullon si lajm i pakonfirmuar, se konfirmimi duhet të vijë nga të dyja palët, që nuk kanë komunikim të vazhdueshëm me njëra-tjetrën. Arsyet nuk dihen. Madje, së fundmi janë pa të dyja Zhaklina me Gertën.”- tha gazetari Andi Vrapi.
Ritheksojmë se pak muaj më parë dy motrat kanë dhënë një intervistë në “Wake Up” së bashku ku kanë zbuluar se nuk e ndjekin njëra-tjetrën në Instagram. “Zgjohem me Gertën, bashkë jemi kudo. Pse ta kem në Instagram”- tha Olta me shaka, çka do të thotë se fakti që nuk ndiqen në Instagram nuk nënkupton një grindje mes tyre.
Gjithsesi se si qëndron e vërteta ende nuk dihet. Deri tani mbetet çdo gjë në kuadrin e zërave.