Pas Kylian Mbappe, N’Golo Kante dhe shumë emrave të tjerë të rëndësishëm, Franca, rivali i 7 shtatorit për kombëtaren kuqezi nuk do të ketë të gatshëm Paul Pogba. Mesfushori i Manchester United ka ndjejë shqetësime, duke mos preferuar të vihet nën urdhërat e teknikut Didier Deschamps për duelet e shtatorit.
Tashmë kampionët e botës kanë më pak yje në përbërjen e tyre. Për të zëvendësuar Pogban, Deshamp ka thirrur Matteo Guendouzi, lojtarin e Arsenalit që më shumë përflitet për ngjashmërinë e tij me David Luiz sesa për lojën që zhvillon.
Takimi mes Francës dhe Shqipërisë do të luhet mbrëmjen e 7 shtatorit në “Stade de France” dhe është i vlefshëm për grupet kualifikuese të Euro 2020.