Mesila Doda do të jetë deputete e pavarur në Kuvend, edhe pse Sali Berisha e kishte në listën e mbyllur (të sigurtë) në zgjedhjet e 11 Majit. Doda pjesë e PDIU, ka zgjedhur që të jetë e pavarur në Kuvend, duke refuzuar t’iu bashkohet 3 grupeve parlamentare opozitare.
Nën siglën e PDIU-së, Mesila Doda garoi në listën e mbyllur të Tiranës, duke fituar automatikisht vendin si deputete.
Nga ana tjetër, janë mësuar edhe emrat e grupit të tretë parlamentar të opozitës, atë të Partisë Republikane.
Kreu i grupit do të jetë Fatmir Mediu, ndërsa për të formuar grupin për të cilin duhen 7 deputetë, i janë bashkuar Vangjel Dule nga PBDNJ, Artan Luku PAA, Greta Bardeli nga PD, Denisa Vata nga PD, Zija Ismaili nga PD dhe Fidel Kreka nga PD.