Në një intervistë të dhënë për “ESPN”, sulmuesi suedez Zlatan Ibrahimovic u pyet edhe se kush është lojtari më i mirë mes Cristiano Ronaldos dhe Lionel Messit. E në këtë dilemë, lojtari i Milanit duket se ka ndryshuar mëndje pasi më parë ka deklaruar Messin, ndërsa këtë herë vlerësoi mentalitetin e Ronaldos.
“Nuk kam parë kurrë një lojtar me mentalitetin e Ronaldos. Ai e ka dëshmuar veten në tre ligat më të vështira në botë. Ndërkohë, disa lojtarë nuk mund të shkëlqejnë as në një nga ligat më të këqija si Ligue 1”, tha Ibrahimovic.
Duket se këtu Ibra po ngacmon qartë Messin. Sidoqoftë, lëndimi i Messit dhe lufta kundër Covid-it i kanë kufizuar performancat e tij këtë sezon.
Messi luajti vetëm 31 ndeshje, por megjithatë mori pjesë në 22 gola (9 gola, 13 asistime).