E gjithë ajo magjepsje e artë solli ar të vërtetë, shkruan faqja apnews.com për mbrëmjen e njohur të artit Met Gala.
”Met Gala e këtij viti fitoi një rekord prej 17,4 milionë dollarësh”, theksuan zyrtarët e muzeut.
Galaja vjetore është një mbledhje fondesh për vetëfinancimin e Institutit të Kostumeve të Muzeut Metropolitan të Artit.
Paratë jepen për drejtimin e institutit dhe organizimin e ekspozitave vjetore të suksesshme si ajo aktuale ”In America: An Anthology of Fashion”, që u prezantua të hënën dhe që do të hapet për publikun më 7 maj.
Kjo ekspozitë është pjesë e një shfaqjeje të madhe me dy pjesë që eksploron rrënjët e modës amerikane.
Galaja tradicionalisht mbahet të hënën e parë të majit, por për shkak të pandemisë, versioni 2021 u mbajt shtatorin e kaluar.
”Dy galatë së bashku sollën 33,7 milionë dollarë”, sipas institutit.
Galaja e së hënës mblodhi së bashku rreth 400 të ftuar, disa nga emrat më të mëdhenj të modës, argëtimit, sportit dhe më shumë.