Kreu i Partisë së Lirisë, Ilir Meta, duke iu referuar raportit të Kontrollit të Lartë të Shtetit, i cili konstaton një dëm prej 138 miliardë lekë gjatë vitit 2022 për shkak të keqmenaxhimit të fondeve publike, thekson se vetëm lufta e hapur dhe pa kompromis kundër korrupsionit mund ta parandalojë falimentimin e Shqipërisë.
“Korrupsioni është i vetmi qëllim madhor i “Rilindjes”!
Kontrolli i Lartë i Shtetit ka konstatuar një dëm ekonomik prej 138 miliardë lekë gjatë vitit 2022 për shkak të keqmenaxhimit të fondeve publike dhe shkeljeve ligjore, ku dëmi më i lartë prej 107 miliardë lekë lidhet me Tatimet dhe Doganat.
Vetëm lufta e hapur dhe pa kompromis kundër korrupsionit parandalon falimentimin e Shqipërisë dhe rikthen shpresën tek të rinjtë, që në masë po detyrohen të braktisin vendin!
Çlirimi i Shqipërisë nga korrupsioni dhe kapja e shtetit, si dhe rivendosja e Llogaridhënies është interesi dhe prioriteti ynë kombëtar!”, shkruan Meta në rrjetet sociale.