Kryetari i Partisë së Lirisë, Ilir Meta, ka folur këtë të enjte në lidhje kallëzimin e bërë prej tij në SPAK ndaj Autoritetit të Dosjeve. I ftuar në emisionin ”Open”, Meta, deklaroi se instuitucionet janë pordhosur nga kryeministri Rama dhe po falsifikojnë dokumente të ish-Sigurimit për ta paraqitur atë si bashkëpuntor të regjimit.
Meta bëri me dije se do ndjekë këtë çështje në nivel kombëtar dhe ndërkombëtar, si dhe njoftoi se nesër do të publikojë marrëveshjen me avokatin që do të ndjekë këtë çështje në SPAK.
“Unë do të ftoja të jemi sa më serioz përpara teleshikuesve, pasi e kanë të gjithë inteligjencën që sulmet vijnë, jo nga institucionet, por nga mafia në pushtet. Nuk ka shqiptar që nuk e di që Edi Rama i ka përdhurosur këto institucione, dhe këta e kanë pranuar të përdhosen. E tha në Kongresin e PS që SPAK-u është krijesë e partisë dhe i dha urdhër ku duhet të drejtohet.
Sot unë kam bërë publik kallëzimin penal që e kam dorëzuar në SPAK për anëtarët e manipulimit të dosjeve. Nga dita e nesërme do të bëjë publike dhe marrëveshjen e bërë me avokatin tim që do të ndjekë këtë çështje.
Kjo çështje do të ndiqet në nivel kombëtar por dhe në nivel ndërkombëtar. Me metoda të ish-Sigurimit të Shtetit po u cënohet jeta e personave të përfshirë në këtë çështje, vetëm për arsye politike”, tha Meta.