Berisha është duke testuar në publik edhe emrin e koalicionit të ri. Pasditen e së Mërkurës, në Mallakastër, aty ku prezantoi kandidatin për kryetar bashkie, pas shpinës së tij lexohej togfjalëshi “Shqipërisë i dalim Zot”.
Burime pranë PD-së së Berishës bëjnë me dije se është duke u finalizuar koalicioni më i ri me partitë e Vangjel Dules dhe të Agron Dukës.
Kandidatët e Primareve do të jenë në garë për 61 kryetarë bashkish. Eshtë duke u negociuar për përfshirjen mes tyre edhe të ndonjë kandidati të kërkuar nga PBDNJ e PAA. Ndërsa për listat e këshilltarëve bashkiakë duket se kompromisi do të jetë shumë më i thjeshtë.