Në një takim me qytetarë në Tepelenë, kreu i Partisë së Lirisë, Ilir Meta shprehet se kandidati i koalicionit “Bashkë Fitojmë” për Bashkinë e Tepelenës, Baftjar Imeri do t’i kthejë qytetarëve pushtetin e munguar.
“Nuk ka asnjë bastion përballë nevojës së madhe dhe ulëritëse për Ndryshim, që po ndihet fort dhe kudo në çdo qytet dhe bashki të Shqipërisë. Baftjar Imeri u rikthye në Tepelenë pas tre dekadash në Kanada, për të qenë kryebashkiaku, i cili pas 14 Majit, do të punojë me vendosmëri dhe përkushtim për t’i rikthyer shpresën dhe zhvillimin qytetit të tij, në mënyrë që ashtu siç ai u rikthye, dhe të rinjtë dhe të rejat e Tepelenës të rikthehen në qytetin e tyre. Bashkë Fitojmë!”, shkruan Meta.