Kreu i shtetit Ilir Meta ndodhet në Vlorë ku mëngjesin e sotëm ka takuar talentet e vegjël të futbollit. Ai thotë se rinia më 25 prill do të shpartallojë “ekipin e bandave të Astirit dhe horrave të Rilindjes”.
POSTIMI I METES
Në ambientet e stërvitjes së talenteve të reja të futbollit në Vlorë, me të ardhmen premtuese të “Flamurtarit” dhe Ekipit Kombëtar, ku mjeshtrat e vegjël të ekipit “Vlora B” dhe trajneri i tyre i përkushtuar Bardhyl Xhakollari më ftuan për një miqësore.
U premtova se pas 25 Prillit, kur rinia vlonjate dhe e të gjithë vendit do shpartallojë thellë ekipin e bandave të “Astirit” dhe horrave të Rilindjes, do rikthehem në fushën e tyre për të luajtur së bashku vetëm për fitoren e Vlorës dhe të Shqipërisë.